Tədbirin Məqsədi

Tədbirin əsas məqsədi dövlət nümayəndələrini, pərakəndə satış şirkətlərini, marketinq agentlikləri, çatdırılma şirkətləri, ödəmə platformaları və digər e-ticarət mühitinin iştirakçılarını bir araya gətirərək onlara bu istiqamətdə davamlı inkişaf etmək üçün konstruktiv həll yolları təqdim etməkdir.

“E-Commerce 1.0” tədbiri 8 dekabr 2018 tarixində Four Seasons Bakı hotelində keçiriləcək

E-Commerce 1.0 tədbiri Shop.az və İnnoland İnkubasiya və Akselerasiya Mərkəzinin birgə təşkil etdiyi özəl sektoru hədəfləyən elektron ticarətə həsr olunmuş ilk tədbir olacaqdır. 8 dekabrda “Four Seasons” otelində baş tutacaq tədbirdə yerli və xarici e-ticarət peşəkarları müxtəlif mövzularda öz uğur hekayələrindən, yerli və qlobal təcrübədən danışacaq və öz təcrübəsini 300-ə yaxın yerli şirkətin nümayəndələri ilə bölüşəcək.

Qlobal Təcrübə Paylaşılacaq

Tədbir zamanı e-ticarət sahəsində tanınmış və böyük nəaliyyətlər əldə etmiş Hepsiburada.com, Alibaba.com kimi irimiqyaslı layihələrin rəhbərlikləri və bir sıra yerli və xarici spikerlər öz təcrübələri ilə bölüşəcəklər. Tədbirin təşkilatçısı və ideya müəllifi olan Shop.az 2017-ci ilin əvvəlindən etibarən Azərbaycanda e-ticarət mühitinin yaranmasına çox ciddi töhfələr vermişdir. Beləki, Shop.az yerli pərakəndə satış şirkətlərini və onların məhsullarını müştərilərin rahat seçiminə təqdim edən e-ticarət platformasıdır. Shop.az peşəkar komandası ilə daim innovativ həllərlə çıxış edir və bu sahədə daha ciddi dəyər yaradan şirkət olmaq missiyasını daşıyır.